დამოუკიდებელი დეპუტატი ეკა ბესელია ქართულ ოცნებას მოუწოდებს, არ დაარბიოს პარლამენტის წინ მიმდინარე საპროტესტო აქცია.

"კიდევ ერთხელ მივმართავ ხელისუფლებას - არ გამოიყენოთ ძალა და არ დაარბიოთ აქცია! ნუ დაემსგავსებით წარსულს და გაიხედეთ მომავლისკენ! დიალოგი და პრობლემის გადაწყვეტა არის გამოსავალი", — წერს ის ფეისბუქზე.

პოლიციამ აქციის მონაწილეებს დასაშლელად 30 წუთი მისცა. ამის შესახებ შინაგან საქმეთა სამინისტროს წარმომადგენელმა ჟურნალისტებთან განაცხადა. ეს განცხადება მან 16:12 საათზე გააკეთა.

"30 წუთის გასვლის შემდეგ პოლიცია იმოქმედებს კანონის შესაბამისად", — თქვა მან.

ბოლო რამდენიმე წუთია სპეცრაზმის თანამშრომლები სპეციალური ეკიპირებით იმოსებიან. უცნობია, რა დავალება აქვთ მათ მიღებული. ნიკა გვარამიას ინფორმაციით, მთავარი არხის ერთ-ერთი დამფუძნებელი, გიორგი რურუა დააკავეს.

აქციის მონაწილეები გააფრთხილა თბილისის მერიამაც. ამის პარალელურად, ხელისუფლებას 8 არასამთავრობომ მოუწოდა, აქციის მონაწილეთა მიმართ ძალის გამოყენებაზე.