ახალქალაქში, სოფელ ხულგუმოსთან სომხური სამოციქულო ეკლესიის სამლოცველო დაარბიეს. შემთხვევა გუშინ, 3 ნოემბერს მოხდა. სამხრეთის კარიბჭის ცნობით, მსგავსი შემთხვევა 3 აპრილსაც მოხდა. დაზიანებულია ქრისტიანული ხატები და რელიგიური საგნები.

სალოცავი მე-13 საუკუნეშია აგებული. მას კულტურული მემკვიდრეობის ძეგლის სტატუსი 2018 წლის 16 მაისს მიენიჭა.

სამხრეთის კარიბჭე წერს, რომ რელიგიური სიწმინდეების დაზიანების ფაქტის ამსახველი ფოტოები და ვიდეო სოციალურ ქსელში ერთ–ერთმა ადგილობრივმა განათავსა.

როგორც შინაგან საქმეთა სამინისტროში On.ge-ს განუცხადეს, რომ შემთხვევაზე გამოძიება უკვე დაიწყო.