ამერიკული მედიის ინფორმაციით, აშშ-მ სირიაში ტერორისტული დაჯგუფება ისლამური სახელმწიფოს გაქცეული ლიდერის, აბუ ბაქრ ალ-ბაღდადის წინააღმდეგ ოპერაცია ჩააატარა.

ალ-ბაღდადის მკვლელობა ოფიციალურ უწყებებს ჯერ არ დაუდასტურებიათ. თეთრი სახლის ინფორმაციით, დონალდ ტრამპი 27 ოქტომბერს "დიდი განცხადებით" გამოვა, თუმცა კონკრეტულად რაზე იქნება საუბარი არ უთქვამს. მანამდე დონალდ ტრამპმა დატვიტა, რომ "ახლახან რაღაც ძალიან დიდი მოხდა".

Reuters ამერიკელი მაღალჩინოსნების წყაროზე დაყრდნობით წერს, რომ ოპერაცია მართლაც ჩატარდა, თუმცა ლიკვიდაციას ჯერჯერობით არ ადასტურებენ.

ISIS-ის ლიდერი ერთ-ერთი ყველაზე საშიშ ტერორისტად მიიჩმევა. 2011 წელს აშშ-მ ის ოფიციალურად ტერორისტად გამოაცხადა და მის შესახებ ინფორმაციისთვის 10 მილიონი დოლარის ოდენობის ჯილდო დააწესა.

ალ-ბაღდადო 1971 წელს ბაღდადისის ჩრდილოეთით დაიბადა. მისი ნამდვილი სახელი იბრაჰიმ ავად ალ-ბადრია. ალ-ქაიდას ლიდერად ალ-ბაღდადი 2010 წელს გამოჩნდა.