"დღეს პარტიაში კრიზისია, თუმცა ყველა კრიზისი არის შანსი", - ეს განცხადება თავისუფალი დემოკრატების წევრმა, ნინო გოგუაძემ გააკეთა და განმარტა, რომ ის პარტიაში რჩება:

"ირაკლი ალასანიამ, სამწუხაროდ, მარტომ აიღო პასუხისმგებლობა პარტიის მარცხზე. ასე რომ, ეს არავისთვისაა გამართლება. სხვა ადამიანებმა დამოუკიდებლად მიიღეს გადაწყვეტილება. მე ყველას გადაწყვეტილებას ვცემ პატივს, მაგრამ მე სხვა გადაწყვეტილება მივიღე. მე ვრჩები ამ პარტიაში და ეს პარტია მნიშვნელოვან როლს შეასრულებს საქართველოს მომავალში".

დღეს თავისუფალი დემოკრატები პარტიის 5-მა ლიდერმა, დავით ონოფრიშვილმა, გია ცაგარეიშვილმა, ვიქტორ დოლიძემ, ირაკლი ჩიქოვანმა და ზურა აბაშიძემ დატოვეს.