ქართული ოცნების აღმასრულებელი მდივანი, ირაკლი კობახიძე ენმ-ს პარლამენტში შესვლის გადაწყვეტილებას აფასებს და ამბობს, რომ ენმ საკმაოდ რთულ მდგომარეობაში აღმოჩდა:

"მათ ძალიან მაღლა აწიეს თამასა, ისინი საუბრობდნენ არჩევნების მოგებაზე, მიუხედავად იმისა, რომ ზუსტად იცოდნენ, რომ ამის არანაირი შანსი არ ჰქონდათ. ამან გამოიწვია იმედგაცრუება და ამ იმედგაცრუების მსხვერპლი არიან ახლა ისინი. მათ ზუსტად იციან, რომ ვერ მოიგებენ ვერც ერთ მეორე ტურს ამ არჩევნებში და ამის გამო ძალიან გაუჭირდათ გადაწყვეტილების მიღება. ჩვენ გვაქვს ჩვენი დღის წესრიგი, ჩვენი ამოცანაა ყველა მეორე ტურის მოგება".

11 ოქტომბერს ერთიანი ნაციონალური მოძრაობის პოლიტსაბჭოს სხდომის შემდეგ, პარტიის ლიდერებმა გადაწყვიტეს, რომ ენმ პარლამენტში პროპორციული სიით შევა და პარტიის მაჟორიტარები არჩევნების მეორე ტურში მონაწილეობას მიიღებენ.