თავდაცვის მინისტრს, ირაკლი ღარიბაშვილს ორი ახალი მოადგილე ჰყავს. უწყების ინფორმაციით, ღარიბაშვილის მოადგილეებად დავით სუჯაშვილი და რატი ბრეგაძე დაინიშნენ.

სამინისტროს ცნობით, დავით სუჯაშვილი ამ დრომდე საქართველოს დაზვერვის სამსახურს ხელმძღვანელობდა და დაზვერვის საკითხებში საქართველოს პრემიერ-მინისტრის მთავარი მრჩეველი იყო. დავით სუჯაშვილი 1999-2012 წლებში საქართველოს დაზვერვის სამსახურში მუშაობდა. 2012-2013 წლებში საქართველოს შინაგან საქმეთა სამინისტროს საინფორმაციო ანალიტიკური დეპარტამენტის დირექტორის პოზიცია ეკავა. 2014-2015 წლებში კი სახელმწიფო უსაფრთხოებისა და კრიზისების მართვის საბჭოს მდივანი იყო.

რაც შეეხება რატი ბრეგაძეს, ის ამ დრომდე საქართველოს საგარეო საქმეთა სამინისტროში დიასპორასთან ურთიერთობის დეპარტამენტის დირექტორი იყო. 2012 -2015 წლებში რატი ბრეგაძე სპორტისა და ახალგაზრდობის საქმეთა მინისტრის მოადგილის თანამდებობას იკავებდა. 2015-2016 წლებში განათლების საერთაშორისო ცენტრის აღმასრულებელი დირექტორის მოადგილე იყო, 2016 წელს დიასპორის საკითხებში სახელმწიფო მინისტრის მოადგილის პოზიცია ეკავა.

თავდაცვის სამინისტროში On.ge-ს უთხრეს, რომ ღარიბაშვილს სულ სამი მოადგილე ეყოლება. მისი პირველი მოადგილე ლელა ჩიქოვანია.