ცესკოს თავჯდომარე, თამარ ჟვანია საგანგებო ბრიფინგს მართავს და მარნეულში მომხდარ ინციდენტს ეხმაურება:

"ყუთს იცავდნენ კომისიის წევრები, იქ გახლდნენ ცესკოს წარმომადგენლები და ყველა ადასტურებს, რომ ყუთი არის მთლიანი და მისი ლუქის მთლიანობა არაა დაზიანებული. ყუთის გადაადგილება მოხდა დაცულობის მიზნით და ამ კონკრეტულ შემთხვევაში, იქ არსებულ ბიულეტენებს არანაირი საფრთხე არ შექმნიათ. შესაბამისად, არ არსებობს აჟიოტაჟის ატეხვის საფუძველი.

მინდა ასევე ვთქვა, რომ პროცედურულად ხმის მიცემა შეჩერებულია და მინდა მოვუწოდო ამ უბანთან შეკრებილ ადამიანებს, არ აქვს მნიშვნელობა რომელი პარტიის მხარდამჭერები არიან, რომ არჩევნებში სამართლებრივი, ცივილური ფორმები არსებობს და ყველა ადამიანი ამ ფორმების ჩარჩოებში უნდა იყოს.

მოვუწოდებ მათ, ხელი შეუწყონ საარჩევნო ადმინისტრაციასა ად ამომრჩეველს, ხელი შეუწყონ, რომ გაგრძელდეს ხმის მიცემის პროცედურა, რადგან სულ რამდენიმე წუთია დარჩენილი 8 საათამდე".