"გუშინ მე მოვედი "ჩაჯ*ული" შარვლით, დღეს ასეთია პროკურატურა", — ამ სიტყვებით დაიწყო ტელეკომპანია რუსთავი 2-ის ყოფილმა დირექტორმა, ნიკა გვარამიამ ჟურნალისტებისთვის კომენტარის მიცემა. რამდენიმე წუთში უნდა დაიწყოს სასამართლოში პროკურატურის მიერ წაყენებული ბრალით მისთვის აღკვეთის ღონისძიების საკითხზე მსჯელობა.

მისი თქმით, პროკურატურა აპირებდა მოეთხოვა ნახევარი მილიონი ლარის ოდენობის გირაოს, თუმცა მისი განცხადების შემდეგ გადაიფიქრა. მან ბრალის წაყენების შემდეგ განაცხადა, რომ პროკურატურას მოუწევს ან დააპატიმროს, ან თავისუფალი დატოვოს, რადგან ყველა სახის აღკვეთის ღონისძიებას დაარღვევს.

გუშინ, 9 აგვისტოს პროკურატურამ ნიკა გვარამიას ბრალი წაუყენა. მას არხის დირექტორად მუშაობის დროს საზიანო გადაწყვეტილების მიღებას ედავებიან.

გვარამიას წინააღმდეგ 16 ივლისს რუსთავი 2-ის 9-პროცენტიანი წილის ყოფილმა მფლობელმა, ნინო ნიჟარაძემ პროკურატურაში საჩივარი შეიტანა. ნიჟარაძე ტელეკომპანიის დირექტორის მიერ უფლებამოსილების ბოროტად გამოყენების მუხლით გამოძიების დაწყებას ითხოვდა. ისვე აცხადებდა, რომ გვარამიას გადაწყვეტილებებმა არხს ფინანსური ზიანი მიაყენა. სწორედ ამ საქმეზე აპირებს პროკურატურა ტელევიზიის ყოფილი დირექტორისთვის ბრალის წაყენებას.