დღეს, 23 ივლისს დიდ ბრიტანეთში ცნობილი გახდება თუ ვინ იქნება კონსერვატიული პარტიის ახალი ლიდერი, რომელიც პრემიერ-მინისტრის პოსტზე ტერეზა მეის შეიცვლის. თითქმის ორთვიანი კენჭისყრების შემდეგ არჩევანი საბოლოოდ ორ კანდიდატზე შეჩერდა — საგარეო საქმეთა ყოფილი მინისტრი ბორის ჯონსონი და საგარეო საქმეთა მოქმედი მინისტრი ჯერემი ჰანტი. სწორედ ამ ორიდან ერთ-ერთი გადასახლდება დაუნინგის ქუჩის 10 ნომერში და ქვეყანას გაუძღვება ევროკავშირიდან გამოსვლის რთულ და გაწელილ პროცესში.

ბოლო ორი კვირის განმავლობაში ქვეყნის მასშტაბით კონსერვატიული პარტიის 160 ათასმა წევრემა კანდიდატებს შორის გააკეთ არჩევანია. დღეს კი ცნობილი გახდება, ვინ იქნება პარტიის ლიდერი, რომელიც ტრადიციისამებრ ქვეყნის პრემიერ-მინისტრიც გახდება.

ამ რბოლაში ფავორიტი ბორის ჯონსონია, თუმცა ბევრმა მაღალჩინოსანმა მასთან თანამშრომლობაზე უარი უკვე განაცხადა. ჰანტისგან განსხვავებით ჯონსონი მკაცრი ბრექსიტის მომხრეა.

ტერეზა მეი მინისტრთა კაბინეტის ბოლო სხდომას სამშაბათს ჩაატარებს. ოთხშაბათს კი დედოფალთან პირადი აუდიენციის შემდეგ თანამდებობას ოფიციალურად დატოვებს.

ორივე კანდიდატის წინაშე მთავარ გამოწვევად ქვეყნისთვის უვნებელი ბრექსიტი რჩება. ჯერემი ჰანტი ამბობს, რომ მზადაა ბრექსიტისთვის ისევ მოითხოვოს დამატებითი დრო მაშინ, როცა ბორის ჯონსონს მტკიცედ აქვს გადაწყვეტილი, ბრექსიტი 31 ოქტომბერს დასრულდეს, შეთანხმებით იქნება ეს თუ შეთანხმები გარეშე. იუსტიციისა და საერთაშორისო განვითარების მინისტრები ჯონსონის ხისტი პოზიციის გამო მასთან თანამშრომლობას არ აპირებენ და განაცხადეს, რომ მისი არჩევის შემთხვევაში პოსტს დატოვებენ.