მედიის განვითარების ფონდის ანგარიშის თანახმად, 2016 წელს, 1 იანვრიდან 23 სექტემბრის ჩათვლით, ჟურნალისტების პირადი ცხოვრების ამსახველი კადრებით დაშანტაჟების 2, ფარული ჩანაწერის გამოქვეყნების 1, ჟურნალისტებზე თავდასხმის 2 და ჟურნალისტისთვის პროფესიულ საქმიანობაში ხელშეშლის 8 შემთხვევა დაფიქსირდა.

პროფესიულ საქმიანობაში ხელშეშლის ერთ-ერთი ფაქტი ზუგდიდის რაიონის სოფელ კორცხელში საკრებულოს შუალედურ არჩევნებზე ოპოზიციის წევრებზე ფიზიკური ანგარიშწორების ინციდენტს უკავშირდება.

ამავე პერიოდში, პროფესიულ საქმიანობაში ხელისშეშლის 1 შემთხვევაში, ადგილობრივი ხელისუფლების წარმომადგენელი თანამდებობიდან გადადგა.