დაბალბიუჯეტიანი ავიაკომპანია Wizz Air-ის პირველი ბაზა საქართველოში დღეს ოფიციალურად გაიხსნა ქუთაისში და ის დავით აღმაშენებლის სახელობის საერთაშორისო აეროპორტიდან ევროპის ქალაქების მიმართულებით უკვე თორმეტ რეისს შეასრულებს.

აღსანიშნავია, რომ ფრენების ფასი 9,99 ევროდან იწყება.

ევროპის მიმართულებით პირველი ახალი რეისი დღეს დილის 6 საათზე ქუთაისიდან ბერლინის მიმართულებით შესრულდა. ვიზეარი ქუთაისიდან რეისებს ადრეც ასრულებდა, დღეიდან კი მათ შემდეგი 7 მიმართულება დაემატა:

  • დორტმუნდი;
  • ბერლინი;
  • ლარნაკა;
  • მიუნხენი;
  • მილანი;
  • სალონიკი;
  • სოფია.

ახალი მიმართულებებით ფრენები კვირაში ორჯერ შესრულდება. ქართველი მოგზაურებისთვის ვიზეაირის საიტის ქართული ვერსია უკვე რამდენიმე კვირაა ხელმისაწვდომი გახდა.