შინაგან საქმეთა სამინისტროს ინფორმაციით, 11 მაისს, თავის საცხოვრებელ სახლში კაცმა შვილის თანდასწრებით ცოლზე და არასრულწლოვან გერზე იძალადა. მათივე ინფორმაციით, პოლიციის გამოძახების გამო კაცმა ცოლს და ცოლის დედას კუთვნილი მაღაზიის დაწვით, არასრულწლოვან გერს კი მოკვლით დაემუქრა.

საქმეზე გამოძიება სისხლის სამართლის კოდექსის 126¹ მუხლის მეორე ნაწილის "ა", "ბ" და "გ" ქვეპუნქტებითა და 11¹-151 მუხლის პირველი ნაწილით და ამავე მუხლის მეორე ნაწილის "გ" ქვეპუნქტით მიმდინარეობს, რაც ოჯახში ძალადობასა და ოჯახური ნიშნით ჩადენილ მუქარას გულისხმობს. ბრალის დამტკიცების შემთხვევაში მას სამ წლამდე პატიმრობა ემუქრება.