პარლამენტში შრომის უსაფრთხოების საკითხებზე მომუშავე თემატური მოკვლევის ჯგუფი შეიქმნა, რომელიც შრომის უსაფრთხოების საკითხებს დეტალურად შეისწავლის და რეაგირებას მოახდენს. გადაწყვეტილება საქართველოს ადამიანის უფლებათა კომიტეტის სხდომაზე, დღეს, 8 მაისს მიიღეს.

სამუშაო ჯგუფის შექმნის იდეა მას შემდეგ გაჩნდა, რაც სხვადასხვა უწყების მიერ წარმოდგენილ შუალედურ ანგარიშებში ამ მიმართულებით ბევრი გამოწვევა დაფიქსირდა.

ჯგუფი, რომელიც საპარლამენტო უმრავლესობისა და უმცირესობის წევრებით დაკომპლექტდება, შრომის უსაფრთხოების კუთხით მიღებული კანონების აღსრულებას გაუწევს მონიტორინგს. რეგლამენტის მიხედვით, ამ ჯგუფმა ორი თვის ვადაში შრომის უსაფრთხოების გამოწვევებთან დაკავშირებით ანალიზი და მათი მოგვარების ხედვები უნდა წარმოადგინოს.