როგორც იცით, ჩრდილოეთ კორეის ლიდერები წლებია ცდილობენ, ქვეყანაში შემავალი და იქიდან გამომავალი ინფორმაცია მკაცრად გაფილტრონ.

ჩრდილოეთ კორეის ლოკალური ვებსაიტების შესახებ ბევრი არაფერი იყო ცნობილი, რადგან წლების განმავლობაში, მხოლოდ ერთი ან ორი საინფორმაციო საიტის მისამართი იყო გახმაურებული. გუშინ კი სიტუაცია შეიცვალა.

Uber-ის აპის უსაფრთხოების ინჟინერმა, მეთიუ ბრაიანტმა, სკრიპტის საშუალებით ჩრდილოეთ კორეაში არსებული ყველა ვებსაიტის მისამართი მოიპოვა.

აღმოჩნდა, რომ ტოტალიტარული ქვეყნის ლოკალურ ინტერნეტში მხოლოდ 28 საიტი არსებობს და მათი უმეტესობა პროპაგანდისთვის გამოიყენება.

საიტების სიის ნახვა აქ შეგიძლიათ.

თუმცა თითქმის ყველა მათგანი ნელა იტვირთება და შეიძლება რამდენიმე წუთიც კი დაგჭირდეთ პირველ გვერდებზე შესასვლელად. ამის ორი მიზეზი არსებობს - ის, რომ ფხენიანში ცუდი ქსელები აქვთ და თან ბევრი ადამიანი ცდილობს იქ შესვლას.