ეროვნული ბიბლიოთეკის დირექტორის გიორგი კეკელიძის ინიციატივით 23 აპრილი წიგნის ჩუქების დღედ გამოცხადდა. ამ დღესთან დაკავშირებით როგორც ეროვნულ ბიბლიოთეკაში, ისე მთელი საქართველოს მასშტაბით არაერთი საინტერესო ღონისძიება იგეგმება.

ინიციატივას ძალიან ბევრი ორგანიზაცია გამოეხმაურა. მათ შორის არიან: ბიბლუსი, კოტე მარჯანიშვილის სახელობის სახელმწიფო დრამატული თეატრი, ფონდი ქართული გალობა, ფარმაცევტული კომპანია PSP, კინოთეატრი ამირანი, ევროპული სკოლა, თბილისი მოლი, ანაგრამა და სხვ. ისინი წიგნის ჩუქების აქციაში აქტიურად აპირებენ ჩართვას.

"აი, ასეა საქმე: უმსხვილესი სახელმწიფო და კერძო ორგანიზაციები, ასობით სკოლა და ბიბლიოთეკა, ხუთი ქვეყნის საელჩო ( ამერიკის, საფრანგეთის, ავსტრიის, იტალიის, შვეიცარიის, უკრაინის) არის 23 აპრილს წიგნის ჩუქების დღის დაწესების მხარდამჭერი", — განაცხადა გიორგი კეკელიძემ.