ტელეკომპანია პირველში, ინგა გრიგოლიას გადაცემაში სტუმრობისას, პარტიის სახელმწიფო ხალხისთვის ლიდერმა პაატა ბურჭულაძემ განაცხადა, რომ მას თავიდან ეცინებოდა ექსპრემიერის ბიძინა ივანიშვილის ხუმრობებზე, ახლა კი ფიქრობს, რომ ის თავს ყველაფრის უფლებას აძლევს:

"რა არის იცით, როცა ბატონი ბიძინა იწყებს საუბარს და რაღაცით ვერ ხვდება რომ დაუსჯელობის სინდრომი აქვს, ჰგონია რომ მას შეუძლია ამ ქვეყანაში ყველაფერი გააკეთოს, ყველაფერი თქვას და მას პასუხი არ მოეთხოვება.

ჯერ დაიწყო გიგი უგულავას საათით - გაგვეცინა, ხუმრობა გვეგონა, შემდეგ ვითომ მე ნაცმოძრაობის სატელიტი და ბავშვი ორგანიზაცია ვარ, ამაზეც გაგვეცინა, შემდეგ თითქოს ხშირად დავდივარ და ვხვდები მიშა სააკაშვილს, იქ სურათებს ვიღებ და ვთათბირობ, ახლა უკვე სერიოზულად შევხედეთ".

პაატა ბურჭულაძის თქმით, ექსპრემიერის ბოლო ბრალდება იმის შესახებ, რომ მან ივანიშვილს ფული მოსთხოვა და ამ ამბის შემდეგ ის არ უნახავს, სიცრუეა.