თბილისის მერის, კახა კალაძის განცხადებით, კიდევ 12 ცენტრალურ ქუჩაზე მიკროავტობუსები მხოლოდ გაჩერებებზე გააჩერებენ. ამის შესახებ კალაძემ მთავრობის დღევანდელ სხდომაზე განაცხადა.

კალაძის თქმით, გზის ნებისმიერ მონაკვეთში მუნიციპალური ტრანსპორტის გაჩერება მოქალაქეებს უბიძგებს, ქუჩა საფრთხის შემცველ მონაკვეთში გადაჭრან, რაც მათი უსაფრთხოებისა და მძღოლებისთვის პრობლემაა.

კიდევ 12 ქუჩა, სადაც მიკროავტობუსები მხოლოდ გაჩერებებზე გააჩერებენ

  1. ქეთევან დედოფლის გამზირი;
  2. თამარ მეფის გამზირი;
  3. აკაკი წერეთლის გამზირი;
  4. დავით გურამიშვილის გამზირი;
  5. გრიგოლ რობაქიძის გამზირი;
  6. ნუცუბიძის ქუჩა;
  7. ცოტნე დადიანის ქუჩა;
  8. სულხან ცინცაძის ქუჩა;
  9. ვაჟა ჩაჩავას ქუჩა;
  10. პეტრე ქავთარაძის ქუჩა;
  11. აწყურის ქუჩა;
  12. ჯავახეთის ქუჩა.

2018 წლის პირველი მარტიდან, თბილისის მერიის გადაწყვეტილებით, მიკროავტობუსები 14 ქუჩაზე/გამზირზე საზოგადოებრივი ტრანსპორტისთვის განსაზღვრულ ადგილებში აჩერებენ. ესენია: ვაჟა-ფშაველას, შოთა რუსთაველის, ალექსანდრე ყაზბეგის, დავით აღმაშენებლის, ილია ჭავჭავაძის, მარშალ გელოვანის გამზირები, მერაბ კოსტავას, პეტრე მელიქიშვილის, ვახტანგ გორგასლის, ჟიული შარტავას, პეკინის, ჯორჯ ბუშის ქუჩები, ასევე, დავით აღმაშენებლის ხეივანი და კახეთის გზატკეცილი.