ანექსიის ხუთიწლისთავთან დაკავშირებით რუსეთის პრეზიდენტი ვლადიმერ პუტინი ყირიმში ჩავიდა. 2014 წელს არალეგიტიმური რეფერენდუმის შემდეგ 18 მარტს რუსეთმა ყირიმი შემოიერთა.

ვიზიტის ფარგლებში პუტინმა ქალაქის მემორიალი მოინახულა და შეხვდა მოსახლეობას, სადაც მათ კითხვებს უპასუხა. ყირიმის ე.წ. შემოერთება კი დღის ბოლოს კონცერტით აღინიშნა. ღონისძიება შეკრებილებს პუტინმა "ყირიმის გაზაფხული" მიულოცა:

"წლების განმავლობაში რუსეთის სახელმწიფოებრიობის გარეთ ყოფნისას, თქვენს გულებში ჩვენი სამშობლოსადმი, რუსეთისადმი შემოინახეთ და მოიტანეთ სიყვარული, მადლობა", — განაცხადა პუტინმა.

პუტინის ჩასვლას გამოეხმაურა უკრაინის საგარეო საქმეთა სამინისტრო. მათი განცხადებით, პუტინის ვიზიტი ყირიმის სტატუსს არ ცვლის. უწყებაში პრეზიდენტის გაუფრთხილებელ ვიზიტს ქვეყნის სუვერენიტეტის დარღვევა უწოდეს და აღნიშნული ვიზიტი დაგმეს.

ფოტო: რუსეთის პრეზიდენტის ადმინისტრაცია