დღეს, 10 მარტს ქუთაისში გამართული რაგბის მატჩის შემდეგ დასახელებულ საუკეთესო მოთამაშეს, მირიან მოდებაძეს ქალაქის მერმა, გიორგი ჭიღვარიამ ხმალი აჩუქა. დაჯილდოვების და თამაშის ამსახველ ფოტოებს ქუთაისის მერია ავრცელებს.

საქართველოს მორაგბეთა ნაკრებმა ევროპის ჩემპიონატზე გერმანიას უმასპინძლა. შეხვედრა ქუთაისში, აიას მოედანზე გაიმართა და საქართველოს გამარჯვებით 52:3 დასრულდა. ამ გამარჯვებით საქართველოს ნაკრები ერთი ტურით ადრე გახდა რაგბი ევროპის გამარჯვებული.
საქართველოს ნაკრები რაგბი ევროპის ჩემპიონატზე ბოლო ტურის შეხვედრას 17 მარტს კრასნოდარში რუსეთთან გამართავს.