ინგლისის პრემიერ ლიგის საიტმა თემურ ქეცბაიას გოლი დღის გოლად დაასახელა.

გოლი გამოქვეყნდა Facebook-ზე, პრემიერ ლიგის ოფიციალურ გვერდზეც.

ქართველმა ფეხბურთელმა 1999 წლის 5 აპრილს ტოტენჰემ ჰოტსპურის კარში შორი მანძილიდან გაისროლა და თავის გუნდს მნიშვნელოვანი ქულა მოუტანა.

ამ დროს თემურ ქეცბაია ნიუკასლ იუნაიტედის შემადგენლობაში თამაშობდა, რომლის რიგებშიც პრემიერ ლიგაში 78 მატჩი ჩაატარა და 8 გოლი გაიტანა.

ქეცბაია ნიუკასლში 1997 წელს ბერძნული აეკიდან გადავიდა, 2000 წელს კი კლუბი დატოვა და შოტლანდიურ დანდის შეუერთდა.

სხვადასხვა დროს ქართველ ფეხბურთელს დინამო თბილისში, ანართოსისსა და ვულვერჰემპტონში უთამაშია. ქეცბაიამ ინგლისში სახელი ბოლტონთან გატანილი გოლის აღნიშვნით გაითქვა.