რამდენიმე დღის წინ პრეზერვატივების მწარმოებელმა კომპანია Durex-მა, მედიის ყურადღება მიიპყრო, მიზეზი კი ახალი, ბადრიჯნის არომატიანი, პრეზერვატივის დაანონსება გახდა.

Durex Global-ის ტვიტერზე გაჩნდა პოსტი, რომლითაც კომპანიამ მედიას და მომხმარებელს ამცნო რომ ახალ კამპანიას იწყებდა და ბადრიჯნის არომატით გამოუშვებდა პრეზერვატივს. პოსტს თან ახლდა ბადრიჯნის ემოჯი, რომელიც თურმე, მესიჯობის დროს, მამაკაცის სასქესო ორგანოს აღსანიშნავად გამოიყენება, სხვა შემთხვევაში ვის რაში სჭირდება ბადრიჯნის ემოჯი?

დურექსმა ხალხის რეაქციებს თვალი ადევნა და რამდენიმე დღეში თავის გეგმას ფარდა ახადა.

სინამდვილეში დურექსი ბადრიჯნის არომატიანი პრეზერვატივის გამოშვებას არ აპირებს. გული ნუ დაგწყდებათ, თქვენს მოსატყუებლად დურექსს სერიოზული მიზეზი ჰქონდა!

ეს ბლეფი კამპანიის ნაწილი იყო ყურადღების მისაქცევად, რაც დამეთანხმებით კარგად გამოუვიდათ. დურექსის სურს შეიქმნას ახალი ემოჯი პრეზერვატივის აღსანიშნავად, სწორედ ამიტომ მათი ყველა პოსტი ბოლოვდებოდა ჰეშთეგით #condomemoji.

რამდენიმე თვის წინ, დურექსმა დაიწყო კამპანია სექსისა და პრეზერვატივის ემოჯიების შექმნისთვის. მათი განცხადებით, ემოჯიები ახალგაზრდების სოციალური ურთიერთობის მნიშვნელოვანი ნაწილია და სასიცოცხლოდ მნიშვნელოვანია მათ ჰქონდეს შესაძლებლობა უსაფრთხო სექსზე ემოჯიების მეშვეობით ისაუბრონ.

ბადრიჯნის არომატიანი პრეზერვატივი რომ არ გამოვა, ეს ზუსტად ვიცით, მაგრამ ჩაანაცვლებს თუ არა ბადრიჯანს უფრო მიმსგავსებული და თავდაცვის საშუალებებისთვის შესაფერის ემოჯიებს შექმნიან თუ არა, ჯერ უცნობია.