კიევის სასამართლომ უკრაინის ყოფილი პრეზიდენტს, ვიქტორ იანუკოვიჩს 13-წლიანი პატიმრობა შეუფარდა. ამის შესახებ უკრაინული გამოცემა UNIAN წერს. ბრალდების მხარე იანუკოვიჩისთვის 15-წლიან პატიმრობას ითხოვდა.

კიევის სასამართლომ უკრაინის ყოფილი პრეზიდენტი ვიქტორ იანუკოვიჩი სახელმწიფო ღალატში დამანაშავედ სცნო. გარდა ამისა, ის დამნაშავედ სცნეს სახელმწიფო საზღვრის შეცვლისა და ომის ხელშეწყობაში.

ამასთანავე, იანუკოვიჩმა სახელმწიფოს მიერ ჩატარებული ექსპერტიზის ხარჯები უნდა აუნაზღაუროს და ბიუჯეტში 98 561 უკრაინული გრივნა გადარიცხოს. სასამართლომ ყადაღის ქვეშ დატოვა იანუკოვიჩის ქონებაც.

ყოფილ პრეზიდენტს განაჩენი დაუსწრებლად გამოუტანეს, რადგან ის რუსეთში იმყოფება. იანუკოვიჩი სასამართლო სხდომაზე არც ერთხელ არ გამოჩენილა, ის ბრალდებებს პოლიტიკურად მოტივირებულს უწოდებს და ბრალს არ აღიარებს.

ვიქტორ იანუკოვიჩი 2002-2005 და 2006-2007 წლებში უკრაინის პრემიერ-მინისტრი იყო. 2010 წელს საპრეზიდეტო არჩევნებში გაიმარჯვა. მას ხშირად ადანაშაულებედნენ რუსეთის სასარგებლო პოლიტიკის გატარებაში.

2014 წელს უკრაინაში ხელისუფლების შეცვლის შემდეგ ვიქტორ იანუკოვიჩი რუსეთში გაიქცა. მას ადანაშაულებდნენ იმაში, რომ მოსკოვს უკრაინაში ჯარის შემოყვანა სთხოვა, რამაც საბოლოოდ ყირიმის ანექსია გამოიწვია