ფოტო: NASA

პირველად კაცობრიობის ისტორიაში, NASA-ს შრომისა და თავდადების მეშვეობით, შეგვიძლია იუპიტერის ჩრდილოეთი პოლუსი ვიხილოთ. ეს მაღალი რეზოლუციის უნიკალური ფოტო, რა თქმა უნდა, კოსმოსურმა ხომალდმა Juno-მ გადაიღო.

ფოტო 27 აგვისტოს არის გადაღებული, მაშინ როდესაც ხომალდი იუპიტერის ღრუბლებიდან სულ რაღაც 4 200 კილომეტრით იყო დაშორებული.

გარდა ფოტოებისა, ჯუნომ აუდიო ჩანაწერიც გამოაგზავნა, აქ შეგიძლიათ მოისმინოთ იმ რადიო ტალღების ხმები, რომელსაც პლანეტა ციალის შედეგად გამოსცემს.

ეს კი ვიდეო მასალაა, რომელზეც იუპიტერს ინფრა-წითელი კაშკაში შეგიძლიათ ნახოთ.

ნასა ყოველდღიურად იღებს ახალ მასალას, რომელიც ჯუნომ მოიპოვა. თუმცა ამ მასალის დედამიწაზე მიღებას დიდი დრო სჭირდება. მაგალითად, 6 მეგაბაიტიანი ფოტო-ფაილი ჰიუსტონამდე 6 საათის განმავლობაში მოდიოდა.