მეგან მარკის დაცვის ქალმა წევრმა 6-თვიანი სამსახურის შემდეგ პოზიცია დატოვა. ინფორმაციას W Magazine ავრცელებს.

ქალი, რომლის სახელიც უსაფრთხოების მიზნით არ საჯაროვდება, ლონდონის სამართალდამცავთა წრეში ერთ-ერთი პროფესიონალია. მისი გადაწყვეტილების უკან არსებული მიზეზი ჯერჯერობით უცნობია, თუმცა, წყაროები ამბობენ, რომ მარკლის სურვილი, მეტი თავისუფლება ჰქონოდა და ჩვეულებრივი მოქალაქის მსგავსად ეცხოვრა, დაცვის წევრს რთულ სიტუაციაში აყენებდა.

მარკლის მცველი პირველი ქალი იყო, რომელსაც სამეფო ოჯახში ასეთი მნიშვნელოვანი პოზიცია ეჭირა. ცნობილია, რომ მან ხშირად იხსნა პრინცი ჰარის ცოლი უხერხული და უსიამოვნო სიტუაციებისგან.

მეგან მარკლი დღეს, 14 იანვარს, ინგილსის ერთ-ერთ ქალაქში.

ფოტო: PA

წყაროები ამბობენ, რომ მარკლს გამუდმებით გვერდით მყოფი დაცვა სიმშვიდეს ურღვევს:

"სამეფო ოჯახში გაზრდილი ადამიანი ასეთ ინტენსიურ დაცვას ბავშვობიდან ეჩვევა. მართალია, მეგანი ცნობილი მსახიობი იყო, თუმცა მისთვის გამუდმებით დაცვის გუნდის გარემოცვაში ყოფნა წარმოუდგენელია, რადგან ეს მის თავისუფლებას ზღუდავს".

2018 წლის მიწურულს, სამსახური დატოვეს მარკლის პერსონალურმა ასისტენტმა მელისა ტოუაბტიმ და პირადმა მდივანმა სამანტა კოენმა. უცნობია, მათი გადაწყვეტილების მიზეზებიც.

სამეფო ოჯახისთვის მომუშავეებს გაუთქმელობის ხელშეკრულება აქვთ დადებული, რის გამოც ალბათ ვერასდროს გავიგებთ რატომ დატოვა სამმა ქალმა სამსახური.