ტყიბულის შახტის ადმინისტრაციის ექვს თანამშრომელს აღკვეთი ღონისძიება პატიმრობა, გირაოთი შეუცვალეს. თითოეულს 5 000 ლარის გირაო შეეფარდა.

როგორც On.ge-ს პროკურატურამ უთხრა, ბრალდებულებმა აღიარეს ჩადენილი დანაშაული და უდავოდ გახადეს პროკურატურის ყველამ ტკიცებულება. დაცვის მხარემ დააყენა შუამდგომლობა აღკვეთის ღონისძიების, პატიმრობის გირაოთი შეცვლის თაობაზე, რასაც პროკურატურა დაეთანხმა. საქმეზე არსებითი განხილვა გრძელდება.

5 აპრილს ტყიბულში, მინდელის სახელობის შახტაში 6 მუშა დაიღუპა, 3 კი დაშავდა. ბრალდების თანახმად, ადმინისტრაციის ექსვმა თანამშრომელმა დაარღვიეს ნახშირის შახტების უსაფრთხოების შესახებ ტექნიკური რეგლამენტის მოთხოვნები:

"მიუხედავად იმისა, რომ დაკავებული პირებისთვის ცნობილი იყო მინდელის სახელობის შახტში უსაფრთხოების წესების დარღვევის შესახებ, კერძოდ, მათთვის ცნობილი იყო, რომ ტექნიკური რეგლამენტის მოთხოვნების შესაბამისად, შახტში ჭერი არ იყო გამაგრებული და ხელოვნურად ჩამოშლილი, 2018 წლის თებერვალში დაიწყო სამთო სამუშაოების წარმოება".

დაკავებულია მინდელის შახტის დირექტორი, მთავარი ინჟინერი, შახტის მენეჯერი, #1 ნახშირმოპოვებითი უბნის უფროსი, ამავე უბნის უფროსის მოადგილე და უფროსის თანაშემწე.