სასტუმროების ქსელ Marriott-ის განცხადებით, ჰაკერებმა 500 მილიონამდე სტუმრის პერსონალური მონაცემები მოიპარეს. მონაცემებში შედის როგორც სტუმრების სახელი და გვარები, ასევე, მათი ელექტრონული ფოსტა, საბანკო ბარათების ინფორმაცია და პასპორტის მონაცემები.

მათივე თქმით, ჰაკერებმა წვდომა მოიპოვეს Starwood-ის ბაზაზე, რომელსაც სასტუმრო სტუმრების რეგისტრაციისთვის იყენებდა. კომპანიაში განაცხადეს, რომ ჰაკერები ინფორმაციას 2014 წლიდან იპარავდნენ, თუმცა დარღვევის შესახებ მხოლოდ წინა კვირას გახდა ცნობილი.

"ჩვენ ვწუხვართ ამ ინციდენტის შესახებ", - ნათქვამია კომპანიის განცხადებაში.

კომპანიამ უკვე შეატყობინა ინციდენტის შესახებ სამართალდამცავ ორგანოებს და დაზარალებული კლიენტებისთვის დამატებითი ინფორმაციის მისაღებად ცალკე საიტი შექმნა.