CNN-ის ინფორმაციით, თურქეთმა ISIS-ს წინააღმდეგ სამხედრო ოპერაცია დაიწყო. თურქულმა ტანკებმა ჩრდილოეთ სირიის საზღვარი უკვე გადაკვეთეს.

ოპერაცია კოდური სახელწოდებით - ევფრატის დაცვა დაწყებულია. მოქმედი საზღვრის გასწვრივ თურქეთმა ტანკები და სპეცდანიშნულების რაზმები განალაგა. თურქეთის საგარეო საქმეთა მინისტრი, მევლუთ ჩავუშოღლუ აცხადებს, რომ თურქეთი მაქსიმალურად ეცდება ISIS-ის წინაღმდეგ ოპერაცია წარმატებით ჩატარდეს.

თურქული მედიის განცხადებით, სამხედროები ქალაქ მარეასა და იარაბულუსთან 90 და 40 კილომეტრიან უსაფრთხო ზონებს მშვიდობიანი მოსახლეობისთვის შექმნიან.

თურქეთის შინაგან საქმეთა მინისტრი, ეფკან ალა აცხადებს, რომ თურქეთი არ დაუშვებს ტერორისტების თავდასხმებს და ამისათვის ქვეყნის პოლიტიკური ძალების კოალიცია ერთად იზრუნებს.

უკანასკნელი ტერორისტული აქტი თურქეთის ერთ-ერთ პროვინციაში გასულ შაბათს, ქორწილის დროს მოხდა, რომელსაც 54 ადამიანის სიცოცხლე ემსხვერპლა.