სიღნაღის რაიონულმა სასამართლომ ბებიის ცემისთვის ბრალდებული შვილიშვილი დამნაშავედ სცნო და 1,5 წლით თავისუფლების აღკვეთა მიუსაჯა.

საქმის მასალების მიხედვით, 12 აგვისტოს, სოფელ არხილოსკალოში, მთვრალ მდგომარეობაში მყოფმა პირმა ურთიერთშელაპარაკებისას ბებიას სახისა და სხეულის სხვადასხვა ადგილებში ხელებისა და ფეხების დარტყმით ჯანმრთელობის განზრახ მსუბუქი დაზიანება მიაყენა.

სამართალდამცველებმა 2018 წლის 13 აგვისტოს დააკავეს. მას ბრალდება საქართველოს სისხლის სამართლის კოდექსის 111-120-ე მუხლით (ოჯახის წევრის ჯანმრთელობის განზრახ მსუბუქი დაზიანება, რამაც მისი ხანმოკლე მოშლა გამოიწვია) წარედგინა.