HBO მაყურებელს ახალ მინი სერიალს უმზადებს, რომლის პროდიუსერიც ოთხგზის ოსკარის ნომინანტი მსახიობი ბრედლი კუპერი იქნება.

სერიალი ჯობი ვორიკის 2016 წლის პულიცერის პრემიის ლაურეატი წიგნის, შავი დროშა: აისისის აღზევების, მიხედვით შეიქმნება.

წიგნში მოთხრობილია დაჯგუფების ჩამოყალიბებისა და ტრანსფორმაციის ისტორია, რომლის მთავარი მიზანიც ისლამური სახელმწიფოს შექმნა და ისლამური ხალიფატის დაბრუნებაა.

“მოხარული ვარ, რომ, როგორც იქნა, შემიძლია ამ ინფორმაციის გასაჯაროება” - დაწერა წიგნის ავტორმა ტვიტერზე.

სერიალის სამუშაო სახელია შავი დროშა, პრემიერის თარიღი და სხვა დეტალები ჯერ-ჯერობით უცნობია.