თბილისში, ყოფილი იპოდრომის მიმდებარე ტერიტორიაზე, სადაც ესტაკადა შენდება, ხეებს ჭრიან. თბილისის მერიის განმარტებით, ცინცაძე-კარტოზიას ქუჩების კვეთაზე სატრანსპორტო კვანძის მოწყობის გამო ნებართვის საფუძველზე იჭრება 7 ხე.

"იმისათვის, რომ ხელი არ შეშლოდა სამუშაოებს, გადაირგო 123 ფოთლოვანი და 51 მცირე ზომის წიწვოვანი ხე, სხვლა-ფორმირება ჩაუტარდა 6 ხეს, ასევე დაირგო 140 ხე", - ნათქვამია თბილისის მერიის განცხადებაში.