საგანგებო სიტუაციების მართვის სამსახურის ცნობით, მესტიაში, თეთნულდზე დაკარგული უკრაინელი ტურისტის ცხედრის ამოტანის ოპერაცია დაასრულეს. უწყების ცნობით, სამაშველო ოპერაცია შინაგან საქმეთა სამინისტროს სასაზღვრო პოლიციის ვერტმფრენით ჩატარდა..

19 ივლისს ტურისტთა 8-კაციანი ჯგუფი თეთნულდზე, ზღვის დონიდან 4 200 მეტრზე იყო, როცა 2 ტურისტი ჯგუფს ჩამორჩა და დაიკარგა. მაშველებმა ორივე ტურისტის ადგილმდებარეობა დაადგინეს, თუმცა რთული მეტეოროლოგიური პირობების გამო ადგილზე მისვლა გაუჭირდათ. ერთი ტურისტი მაშველებმა იმავე დღეს იპოვეს და მთის ფერდობიდან უსაფრთხო ადგილზე გადაიყვანეს, მეორე ტურისტის სამძებრო ღონისძიებები კი დღემდე გრძელდებოდა.