თავდაცვის ყოფილმა მინისტრმა თინა ხიდაშელმა მისი შემცვლელისა და სუს-ის უფროსის ყოფილი მოადგილის ლევან იზორიას მინისტრად დანიშვნაზე ჟურნალისტებთან ისაუბრა. მისი თქმით, ძალიან ცუდი გზავნილი იქნება დასავლელი პარტნიორებისთვის ის რომ უშიშროების კადრი მივიდა თავდაცვის უწყებაში:

"მე ვფიქრობ, რომ მთავარ შეცდომას უშვებს დღეს პრემიერ მინისტრი. თავდაცვის სამინისტრო არის სამოქალაქო ცხოვრების ნაწილი უწყება. ეს არის უწყება, რომელიც ერთ-ერთი უფრო ყველაზე პოლიტიკური მნიშვნელობის მატარებელია, როგორც საგარეო ურთიერთობებში ასევე საქართველოს ინტეგრაციის გზაზე. ეს არის სამოქალაქო უწყება და მე ვფიქრობ ძალიან ცუდი გზავნილია ყველასთვის, ჩვენი პარტნიორებისთვის, ქვეყნის შიგნით, როდესაც ჯერ ალასანია სამოქალაქო პოლიტიკოსი, გახსნილი მინისტრი ჩაანაცვლა უშიშროებამ და შემდეგ ხიდაშელი ჩაანაცვლა უშიშროებამ. ეს ძალიან ცუდი ტენდენციაა. არ ვიცი ეს რა მიზანს ემსახურება, მე შემიძლია გითხრათ ცალსახად, რომ ეს არის ძალიან ცუდი ტენდენციის მანიშნებელი".