საქართველოს პრეზიდენტმა 226 მსჯავრდებული შეიწყალა. ამათგან 154 პირი დღესვე დატოვებს სასჯელაღსრულების დაწესებულებას, დანარჩენ 72 ადამიანს კი სასჯელი სხვადასხვა ფორმით შეუმცირდება. ამის შესახებ, შეწყალების კომისიის თავმჯდომარემ, ზვიად ქორიძემ განაცხადა დღეს გამართულ პრესკონფერენციაზე განაცხადა.

მისი თქმით, 2016 წლის 18 ივლისიდან 24 ივლისის ჩათვლით პერიოდში შეწყალების საკითხთა კომისიამ განიხილა 1 585 პირის საქმე:

"შეწყალების საკითხთა კომისიის ზემოაღნიშნულ პერიოდში მუშაობის შედეგად, 2016 წლის 1 აგვისტოს საქართველოს პრეზიდენტის მიერ შეწყალებულია 226 მსჯავრდებული".

პრეზიდენტის პრესსამსახურის ცნობით, გიორგი მარგველაშვილის განკარგულება უკვე გადაეგზავნა საქართველოს სასჯელაღსრულებისა და პრობაციის სამინისტროს.