იუვენტუსის ოფიციალურის გვერდის ექაუნთმა ჩინურ მედიაპლატფორმა Weibo-ზე გამოაქვეყნა ვიდეო, რომელიც მიძღვნილი იყო იუვენტუსში 7 ნომრით მოთამაშე ფეხბურთელებისადმი.

ვიდეოში ექვსი ფეხბურთელის სახელი ფიგურირებს (ანჯელო დი ლივიო, ჯანლუკა პესოტო, ჰასან სალიჰამიდიჩი, სიმონე პეპე, სიმონე ძაძა და ხუან კაუდრადო) და როცა მეშვიდეს ჯერი მოდის, ვიდეოც სრულდება.

ძალიან ბევრი გულშემატკივრის აზრით, ამით იუვენტუსმა მინიშნება გააკეთა, რომ ახალი 7 ნომერი რონალდუ გახდება. მოგეხსენებათ, მანჩესტერსა და რეალის ადრეულ წლებში რონალდუ 7 ნომრიანი მაისურით ასპარეზობდა.

უამრავი კითხვის ნიშნის გაჩენის შემდეგ ტურინულ კლუბმა ვიდეო წაშალა.

ცხადია, არსებობს ალბათობაც, რომ შვიდიანებზე აქცენტი იმიტომ გაკეთდა, რომ ვიდეოს დადების დღეს მეშვიდე თვის შვიდი რიცხვი იყო, თუმცა, ზედმეტად უცნაური დამთხვევაა, მით უმეტეს, იმის ფონზე, რომ ბოლო დღეებში ყველა რონალდუს იუვენტუსში გადასვლის შანსებზე საუბრობს.