უცხოური მედიის ცნობით, გასულ კვირას თურქეთში მომხდარი სახელმწიფო გადატრიალების მცდელობაში შესაძლო მონაწილეობის ბრალდებით, თურქეთის პრეზიდენტის, რეჯეპ ტაიპ ერდოღანის დაცვის 283 თანამშრომელი დააკავეს.

გარდა ამისა, ხელისუფლებამ სახელმწიფო მოხელეთა 10 900 სამგზავრო პასპორტი გააუქმა იმისთვის, რომ ამ პირებმა მიმალვა ვერ შეძლონ.

აღნიშნული პირები პრეზიდენტის სასახლეში განლაგებული 2500 კაციანი სპეცრაზმის წევრები არიან. CNN Turkey-ის ცნობით, სულ 300 დაცვის თანამშრომელზეა ბრძანება გაცემული. როგორც ქვეყნის ხელისუფლება აცხადებს, შესაბამის ორგანოებში "წმენდა" ისევ გრძელდება.

თავის მხრივ, ქვეყნის პრეზიდენტი განმარტავს, რომ ამ დრომდე 10 410 ადამიანია დაკავებული, საიდანაც 100 გენერალი და ადმირალია.

თურქეთში მომხდარი ამბოხების შედეგად, ქვეყნის მასშტაბით ათასობით სამხედრო პირი, მოსამართლე, სამართალდამცავი უწყების წარმომადგენელი და სახელმწიფო მოხელე დააკავეს. ამასთან, ქვეყნის სხვადასხვა უწყებიდან გაუშვეს რამდენიმე ათასი ადამიანი.

გადატრიალების მცდელობას 300-მდე პირის სიცოცოხლე ემსხვერპლა და დაშავდა 1400-მდე ადამიანი.

დეტალური ინფორმაცია თურქეთში მომხდარის შესახებ შეგიძლიათ იხილოთ აქ: