ბილაინს FREEVOLUTION-ის პაკეტში სატელეფონო ზარებზე ფასების გაზრდა მოუწევს. არსებული ტარიფის გამო საქართველოს კომუნიკაციების ეროვნულმა კომისიამ კომპანია უკვე გააფრთხილა.

კომპანია ამ ტარიფის ფარგლებში მომხმარებელს უფასოდ სთავაზობდა 100 წუთს, 100 SMS-სა და 100 მბ ინტერნეტს.

როგორც კომისიის განცხადებაშია ნათქვამი, აბონენტისთვის გაწეული მომსახურებიდან მიღებული შემოსავალი ვერ ფარავდა ამ მომსახურებისთვის გაწეულ დანახარჯებს. 2017 წლის ექვსი თვის მონაცემებით, ამ პაკეტის მომხმარებელთა დანახარჯები მირებულ შემოსავალს 4-ჯერ აჭარბებდა.

როგორც კომისია წერს, სატარიფო შეღავათებს ბილაინი სხვა აბონენტებისგან მიღებული შემოსავლის ხარჯზე სთავაზობდა. უწყებაში განმარტავენ, რომ ამით კომპანიამ ურთიერთჩართვის ვალდებულება დაარღვია.