დისკუსიაზე უარის მიღების შემდეგ პრეზიდენტმა პარლამენტი დატოვა. პარლამენტის დეპუტატებმა რეგლამენტის ცვლილებასა და პრეზიდენტის დისკუსიაში ჩართვას მხარი არ დაუჭირეს, 50 ხმით 28-ის წინააღმდეგ.

პრეზიდენტ გიორგი მარგველაშვილის განცხადებით, დებატების ფორმატზე რამენიმე დღის წინ დაანონსდა.

"ჩემი სურვილი, რომ პატივცემულ დეპუტატებს ვუპასუხო, განპირობებულია ჩემი პატივისცემით დეპუტატებისადმი. მინდა, რომ ბოლომდე გავცე პასუხი მათ მიერ დასმუმლ კითხვებს", - განაცხადა პრეზიდენტმა.

მისივე თქმით, არც ერთი რეგლამენტით არ არის გათვალისწინებული, რომ ის დარბაზში უნდა იჯდეს:

"ალბათ,კითხვებზე პასუხების მოსმენა მძიმე და რთული აღმოჩნდა. ყურადღებით დავაკვირდები დეპუტატების გამოსვლებს და შემდეგ შევეცდები, რომ საზოგადოებას პასუხები გავცე".

პრეზიდენტმა, დღეს, 2 აპრილს თავისი ყოველწლიური მოხსენება წარადგინა. მოხსენების შემდეგ, დეპუტატებმა პრეზიდენტის გამოსვლა შეაფასეს და კითხვები დაუსვეს. პრეზიდენტმა მოითხოვა, დისკუსიის საშუალება ჰქონოდა, რაზეც პარლამენტის თავმჯდომარემ, ირაკლი კობახიძემ აღნიშნა, რომ რეგლამენტი ამის საშუალებას არ იძლეოდა. ამის შემდეგ მარგველაშვილმა სხდომათა დარბაზი პროტესტის ნიშნად დატოვა და დეპუტატების ოთახში შევიდა, რათა გადაწყვეტილებას დალოდებოდა.

პრეზიდენტის ყოვეწლიური მოხსენების შესახებ დეტალურად დაიწყეთ აქ.