კანადის ქალაქ ტორონტოში 25 წლის კაცი ტროტუარზე ავტოფურგონით ფეხით მოსიარულეებს დაეჯახა. ინციდენტის შედეგად 10 ადამიანი გარდაიცვალა, ხოლო 15 დაშავდა.

მანქანის მძღოლი ალეკ მინასიანი დაკავებულია. თავდასხმის შემდეგ, ავტომობილის მძღოლმა ადგილი დატოვა და პოლიციამ ის დაახლოებით ორი კილომეტრის მოშორებით აღმოაჩინა.

თვითმხილველების თქმით, დაშავებულები და სავარაუდოდ დაღუპულები გზის სხვადასხვა მონაკვეთზე იწვნენ და მათ გამვლელები და პოლიციელები უწევდნენ დახმარებას.

კანადის პრემიერმა ჯასტინ ტრუდომ თავდასხმის დროს დაშავებულებსა და დაღუპულების ოჯახს თანაგრძნობა გამოუცხადა.

ბოლო წლებში, მიკროავტრობუსებით მოქალაქეებზე თავდასხმა ისეთ დიდ ქალაქებში მოხდა, როგორიცაა ბარსელონა, ნიუ-იორკი, ლონდონი და ნიცა.