დღეიდან, 10 აპრილიდან თბილისში პარკირების წესების დარღვევაზე თბილისის სატრანსპორტო კომპანია რეაგირებს. დღეიდანვე პარკინგის საფასურის გადახდა არა C.T.Park-სთვის, არამედ თბილისის სატრანსპორტო კომპანიისთვის მოგიწევთ.

როგორც თბილისის სატრანსპორტო კომპანიაში On.ge-ს უთხრეს, პარკირების საფასურის გადახდა შესაძლებელია სწრაფი გადახდის აპარატებიდან და ბანკებიდან. სწრაფი გადახდის აპარატების შემთხვევაში C.T.Parck-ის ნაცვალად სისტემაში უკვე ასახულია "თბილისის პარკინგის" აღმნიშვნელი ღილაკი. მონაცემების შეყვანის წესი არ შეცვლილა.

გარდა ამისა, კომპანიაში ამბობენ, რომ ხვალიდან, 11 აპრილიდან ჯარიმისა და პარკინგის საფასურის გადახდა შესაძლებელი იქნება ვებგვერდით - tp.ge.

მოქმედი საშვები

თუ პარკირების საშვის ვადა ამოწურული არ არის, საფასურის გადახდა განმეორებით საჭირო არ არის. თბილისის სატრანსპორტო კომპანიას ყველა იმ საშვის შესახებ აქვს ინფომრაცია, რომელსაც ვადა არ ამოწურვია.

ამავე თემაზე: