ბათუმში მე-7 საჯარო სკოლასთან მე-6 კლასის მოსწავლე დანით დაჭრეს. შინაგან საქმეთა სამინისტროში On.ge-ს განუცხადეს, რომ გამოძიება სისხლის სამართლის კოდექსის 118-ე მუხლით დაიწყო, რაც ჯანმრთელობის განზრახ ნაკლებად მძიმე დაზიანებას გულისხმობს.

საავადმყოფოს პრესსამსახურის ცნობით, მოზარდის მდგომარეობა სტაბილურია, მას ფეხზე, წვივის არეში აქვს ჭრილობა მიყენებული.

უწყებაში ამბობენ, რომ დამნაშავის ვინაობა დადგენილია, ის არასრულწლოვანია და დაკავებული არ არის.