ესპანურ პრესაში გავრცელებული ინფორმაციით, მანჩესტერ იუნაიტედის მთავარმა მწვრთნელმა ჟოზე მოურინიომ უელსელი გარემარბი გარეთ ბეილი დაარწმუნა, რომ კარიერა მანჩესტერელებთან გააგრძელოს.

ხშირი ტრავმების გამო ბეილი მიმდინარე სეზონში მადრიდელთა ძირითადი თერთმეტეულის მიღმა აღმოჩნდა. უელსელმა ფეხბურთელმა პსჟ-სთან ორი მატჩის ჯამში მხოლოდ 36 წუთი ითამაშა.

შესაძლოა, მოურინიოსა და "წითელი ეშმაკების" ინტერესი სწორედ ამანაც განაპირობა.

თუმცა, ბეილი მანჩესტერელთა ერთადერთ ინტერესს არ წარმოადგენს. სასურველ ფეხბურთელთა სიაში არტურო ვიდალიც მოხვდა.

მათ მისი გადმობირება 2014 წელსაც სურდათ, თუმცა მომდევნო სეზონში იგი მიუნხენის ბაიერნს შეუერთდა.