მერილენდის სკოლაში სროლა იყო. ამის შესახებ ინფორმაცია თავდაპირველად მათივე ვებსაიტზე გავრცელდა, სადაც ასევე ნათქვამია, რომ ამჟამად სკოლა დახურული და ევაკუირებულია. CNN-ის ცნობით, პოლიცია უკვე შემთხვევის ადგილზეა.

NBCwashington-ის ინფორმაციით, სროლის შედეგად არიან დაშავებულები. ამავე გამოცემას პოლიციამ უთხრა, რომ ზოგიერთი დაშავებულის მდგომარეობა კრიტიკულია. გამოცემა წერს, რომ პოლიცია დამატებით ინფორმაციას ჯერჯერობით არ ავრცელებს.

ჟურნალისტი კოლინ კემპბელი ტვიტერზე წერს, რომ სკოლის შენობაში სამ ადამიანს ესროლეს და გარდაცვლილი არავინაა.

მერილენდი ვაშინგტონიდან სამხრეთით მდებარეობს. CNN-ის ცნობით, წელს ეს უკვე ამერიკის შეერთებული შტატების სკოლებში განხორციელებული მე-16 სროლაა. მერილენდის სკოლაში 1500 უფროსკლასელი სწავლობს. გასულ კვირას ამავე სკოლის მოსწავლეებმა ფლორიდაში, პერკლენდის სკოლაზე მასშტაბური თავდასხმა და აშშ-ს სკოლებში ძალადობა გააპროტესტეს.

ფლორიდის სკოლაში შეიარაღებული თავდასხმისას სულ მცირე 17 ადამიანი გარდაიცვალა.