CNN-ის ინფორმაციით, შეერთებული შტატების გენერალური პროკურორის, ლორეტა ლინჩის განცხადებით, ელექტრონული ფოსტის სკანდალის გამო, ჰილარი კლინტონის წინააღმდეგ საქმეს არ აღძრავს:

"მე შევხვდი FBI-ის დირექტორს ჯეიმს კომის, ასევე პროკურორებსა და აგენტებს, მათ ვინც გამოძიებას აწარმოებდა ჰილარი კლინტონის პერსონალური ელ-ფოსტის შესახებ. მე მივიღე მათი რეკომენდაცია, რომ ერთწლიანი გამოძება უნდა დაიხუროს და არ უნდა დაეკისროს პასუხისმგებლობა არცერთ პირს".

კლინტონის საარჩევნო კამპანიის პრესსპიკერი დადებითად გამოეხმაურა აღნიშნულ ფაქტს და ტვიტერზე დაწერა, რომ ეს საქმე მოგვარებულია, იმის მიუხედავად, თუ რა პოლიტიკურ თამაშებს ითამაშებენ რესპიბლიკელები.

უწყების ხელმძღვანელმა ჰილარი კლინტონის მიერ სამსახურებრივი საქმიანობისთვის პირადი ელექტრონული ფოსტის გამოყენებაზე ერთ წლიანი გამოძიების შედეგები ორი დღის წინ გაასაჯაროვა.

ჰილარი კლინტონი გენერალური მდივნის თანამდებობაზე ყოფნისას, თავის პირად სერვერს იყენებდა, სამსახურეობრივი მიმოწერისთვის.