თბილისის მერიის ინფორმაციით, შეიქმნება კომისია, რომელიც დედაქალაქის მთავრობის წევრებით დაკომპლექტდება. აღნიშნული კომისია, მოქალაქეების მხრიდან შემოსულ წინადადებებზე იმსჯელებს თბილისობა 2016-თან დაკავშირებით. გარდა ამისა, უზრუნველყოფს, ღონისძიების სრულყოფილად, შეუფერხებლად ჩატარებას.

თბილისობა 2016 15-16 ოქტომბერს გაიმართება. მერიის პრესსამსახურის ცნობით, როგორც დავით ნარმანიამ დღევანდელ მთავრობის სხდომაზე აღნიშნა, დღესასწაული წელს მასშტაბური იქნება და მთელ ქალაქს მოიცავს. ღონისძიების აღნიშვნასთან დაკავშირებული ნებისმიერი განაცხადი (პროექტი, იდეა, მოსაზრება, წინადადება) მერიაში მიმდინარე წლის 31 ივლისამდე მიიღება. მერიაში შექმნილი ახალი კომისია სწორედ ამ იდეებზე იმსჯელებს.