NBC-ის სერიალმა, This Is Us, რომელიც ეთერში არც მეტი, არც ნაკლები Super Bowl-ის დროს გავიდა, ბოლო ათწლეულის რეკორდი მოხსნა და წინა წლების რეიტინგი 59%-ით გააუმჯობესა.

თუ აქამდე, ამერიკული ფეხბურთის პარალელურად გასული შოუებს 9-10 მილიონი მაყურებელი ჰყავდა, დენ ფოგელმენის დრამამ არამხოლოდ თავისი, არამედ ზოგადად, თითქმის ყველა აქამდე არსებული სერიალის რეიტინგი მოხსნა.

This Is Us-ს, პირდაპირ ეთერში აქამდე 10-11 მილიონი ადამიანი უყურებდა, მეორე სეზონის მე-14 ეპიზოდს კი 27-მა მილიონმა ადამიანმა უყურა.

სერიალი ამ მონაცემებით სულ რამდენიმე შოუს ჩამორჩება, მათ შორის არის სერიალი Friends-ის მეორე სეზონის მე-12 და მე-13 ეპიზოდი, რომლებიც ასევე ამერიკული ფეხბურთის სუპერთასის დროს გადიოდა და პირდაპირ ეთერში მათ 53-მა მილიონმა ადამიანმა უყურა. Super Bowl-ის დროს გასული შოუებიდან ყველაზე მეტი მაყურებელი ასევე ჰყავდა Grey's Anatomy-ის სერიას It's the End of the World, პირდაპირ ეთერში ამ სერიას - 37 მილიონმა ადამიანმა უყურა.