ხუთშაბათს ტვიტერზე აშშ-ის პრეზიდენტის, დონალდ ტრამპის ანგარიში 11 წუთით გაითიშა, რის შემდეგაც სოციალური ქსელის ხელმძღვანელებმა ის აღადგინეს.

როგორც ინფორმაცია ვრცელდება, ანგარიში @realdonaldtrump დეაქტივირებული იყო თანამშრომლის მიერ, რომელსაც კომპანიაში მუშაობის ბოლო დღე ჰქონდა.

ფოტო: The Verge

"ჩვენ გავიგეთ, რომ ეს ტვიტერის ტექნიკური მხარდაჭერის თანამშრომელმა გააკეთა. ვაგრძელებთ გამოძიებას და ვიმოქმედებთ შესაბამისად, რათა მსგავსი რამ აღარ განმეორდეს", - ნათქვამია კომპანიის განცხადებაში.

დონალდ ტრამპი ტვიტერის საკმაოდ აქტიური მომხმარებელია. მას 41,7 მილიონი გამომწერი ჰყავს. მას ამის შესახებ განცხადება არ გაუკეთებია.