ესპანეთის პრემიერ-მინისტრმა, მარიანო რახოიმ კატალონიის პარლამენტი დაითხოვა. ინფორმაცია ამის შესახებ BBC-მ გაავრცელა.

გამოცემის ინფორმაციით, რახოის გადაწყვეტილებითვე დათხოვილები არიანკატალონიის ავტონომიის ლიდერი და მთავრობა.

გუშინ, 27 ოქტომბერს კატალონიის რეგიონალურმა პარლამენტმა ესპანეთისგან გამოყოფასა და დამოუკიდებლობას დაუჭირა მხარი, 70 ხმით 10-ის წინააღმდეგ.

კატალონიის პრეზიდენტმა კარლეს პუჩდემონიმ განაცხადა, რომ კატალონიამ დამოუკიდებლობის უფლება მოიპოვა. ოფიციალური პირების თქმით, პირველი ოქტომბრის რეფერენდუმში მონაწილეთა 90-მა პროცენტმა კატალონიის დამოუკიდებლობას მხარი დაუჭირა. ამასთანავე, რეფერენდუმში მოსახლეობის 42,3 პროცენტმა მიიღო მონაწილეობა.