საქართველოს ბაზარზე ომანის სასულთნოს ავიაკომპანია Salam Air შემოდის. ახალი ავიაკომპანიის შემოსავლის შესახებ ინფორმაციას საქართველოს საგარეო საქმეთა სამინისტრო ავრცელებს.

უწყების ინფორმაციით, ახალი კომპანია 2018 წლის ივნისიდან კვირაში ოთხჯერ მასკატი-თბილისი-მასკატის მიმართულებით იფრენს.

"გაიმართა კონსულტაციები ომანის საგარეო საქმეთა სამინისტროში, სადაც სხვა საკითხებთან ერთად განხილული იქნა საქართველოსა და სასულთნოს შორის საჰაერო მიმოსვლის შესახებ შეთანხმების ხელმოწერის აუცილებლობა. დოკუმენტის ხელმოწერა იგეგმება, კანონმდებლობით გათვალისწინებული პროცედურების დასრულების შემდეგ", - აცხადებენ საგარეო საქმეთა სამინისტროში.

უწყებაში ფიქრობენ, რომ საქართველოს საავიაციო ბაზარზე ავიაკომპანია Salam Air-ის შემოსვლა ხელს შეუწყობს ქვეყანაში ტურიზმის განვითარებასა და ახალი სამუშაო ადგილების შექმნას.