Game of Thrones-ის ფანები წლების განმავლობაში უყურებდნენ, თუ როგორ იღუპებოდნენ მათი საყვარელი პერსონაჟები. ალბათ, ყველას გვიფიქრია, თუ რა მოხდებოდა, ის პერსონაჟი რომ არ მომკვდარიყო, ან რა იქნებოდა, იქ რომ ვყოფილიყავით და მოვლენების მსვლელობა შეგვეცვალა?

წარმოიდგინეთ, რომ შეგიძლიათ, ნედ სტარკს სიკვდილით დასჯა თავიდან აარიდოთ, დაიჭიროთ კოშკიდან გადმოგდებული ბრანი ან უბრალოდ ჯოფრი ბარათეონს სილა გააწნათ.

დუბაიში მოღვაწე ციფრულმა კრეატორმა და ხელოვნური ინტელექტის სპეციალისტმა, ჰაკამ კიკიმ პასუხისმგებლობა ყველას ნაცვლად აიღო და AI-ის დახმარებით სერიალის სცენარი თავიდან გადაწერა. რაც ჩვენთვის მხოლოდ ფანტაზია იყო, ერთმა ადამიანმა რეალობად აქცია.

ჰაკამ კიკიმ ხელოვნური ინტელექტის მიერ გენერირებული ვიდეო რამდენიმე დღის წინ გამოაქვეყნა წარწერით: "მე გადავჭერი Game of Thrones-ის პრობლემები". ვიდეოში ის თავად ჩნდება ვესტეროსის ყველაზე ტრაგიკულ მომენტებში და მოვლენების მსვლელობას რადიკალურად ცვლის: