2025 წელს ტელე და რადიო მაუწყებლების ჯამური კომერციული სარეკლამო შემოსავალი, წინა წლის იმავე პერიოდთან შედარებით 37.4%-ით გაიზარდა და 106.8 მლნ ლარი შეადგინა. ინფორმაციას ComCom ავრცელებს. მათი ცნობით, მხოლოდ ტელევიზიების შემთხვევაში, კომერციული სარეკლამო შემოსავლებიდან მიღებული თანხა 43%-ით გაიზარდა და 99.2 მლნ ლარს გაუტოლდა.

ტელემაუწყებლებისთვის 2025 წელს მიღებული სარეკლამო შემოსავლების ძირითადი, 82.3%-იანი წილი პირდაპირმა რეკლამამ დააგენერირა, რაც 81.7 მილიონია. 10.7% — პროდუქტის განთავსებიდან მიღებული შემოსავალი იყო, რაც 10.6 მილიონი ლარია, ხოლო 6.9% - სპონსორობამ, რამაც 6.8 მილიონი ლარი შეადგინა. შედარებისათვის, 2024 წელს პირდაპირი რეკლამით მიღებული შემოსავალი სარეკლამო შემოსავლების 70.6%-ს შეადგენდა, რაც 49 მილიონ ლარი იყო.

რადიომაუწყებლების შემთხვევაში, 2025 წელს მიღებული სარეკლამო შემოსავალი 8.9%-ით შემცირდა და 7.6 მილიონი ლარი შეადგინა. 89%-იანი წილი პირდაპირმა რეკლამამ 6.8 მილიონი ლარით დააგენერირა, ხოლო 10.8% - სპონსორობამ, რაც 0.8 მილიონი ლარია.

რაც შეეხება 2025 წლის მხოლოდ IV კვარტალს, ამ პერიოდში ტელე და რადიო მაუწყებლების ჯამური კომერციული სარეკლამო შემოსავალი, წინა წლის იმავე პერიოდთან შედარებით 72%-ით გაიზარდა და 41.4 მილიონი ლარი შეადგინა. მხოლოდ ტელევიზიების შემთხვევაში, IV კვარტალში მიღებული კომერციული სარეკლამო შემოსავალი 82.5%-ით გაიზარდა და 39.2 მილიონ ლარს გაუტოლდა.

bm.ge-ს ცნობით, 2025 წელს ყველაზე დიდი 90 მლნ ლარის შემოსავალი "პირველმა არხმა" მიიღო, თუმცა ეს თითქმის სრულად სახელმწიფო დაფინანსებას წარმოადგენდა;

16 მლნ ლარის დაფინანსება მიიღო "აჭარის ტელევიზიამ".

რაც შეეხება კომერციულ შემოსავლებს, ამ მიმართულებით პირველ პოზიციას კვლავ "ტელეიმედი" იკავებს, რომელმაც 2025 წელს 45 მილიონი ლარის შემოსავალი მიიღო, ეს თანხა წლიურად 67%-ით არის გაზრდილი;

45%-ით გაიზარდა "რუსთავი 2"-ის, ანუ სს "მედია ჰოლდინგის" კომერციული შემოსავალი და მან 20 მილიონი ლარი შეადგინა.

პოსტვ-ის კომერციული შემოსავალი კი 6%-ით 8 მილიონ ლარამდე გაიზარდა.

2025 წელს მაუწყებლობა შეწყვიტა "მთავარმა არხმა", ხოლო "ტვ პირველის" შემოსავალი 1%-ით. 7.35 მილიონ ლარამდე გაიზარდა, "ფორმულას" შემოსავალი კი 6%-ით, 5.2 მილიონ ლარამდე გაიზარდა.